MONCHO REBOIRAS

Referente da Galiza rebelde e combativa

Coincidindo com 41 aniversário da morte em combate de José Ramom Reboiras Noia consideramos necessário atualizar o imaginário do revolucionário galego.

Moncho foi um militante comunista e independentista integral. Reduzir a sua figura a simples dinamizador do associacionismo cultural e promotor dos germes do sindicalismo galego tem sido um engano constante do reformismo.

As diversas expressons do nacionalismo galego tenhem deliberadamente ocultado as responsabilidades políticas que provocárom o fatídico desenlace daquele 12 de agosto de 1975.
Moncho morreu com as armas na mao. Cercado por um impressionante dispositivo das forças policiais espanholas foi assassinado polas costas.

A sua prematura morte facilitou umha viragem progressiva na orientaçom do nacionalismo que permite compreendermos a sua atual linha timorata e acomplexada.

A esquerda independentista e socialista galega sempre denunciou a maquilhagem e manipulaçom que os diferentes reformismos tenhem feito e continuam a fazer do que representava, do projeto polo que entregou com coragem a sua vida.

Hoje, nesta fase de refluxo e confusom na que se acha a luita de classes e de libertaçom nacional, queremos modestamente contribuir a resgatar o Moncho genuíno, alicerce da luita pola Independência e a Pátria Socialista galega.