17 de Maio, Dia das Letras
Na Galiza SÓ em galego
LÍNGUA PROLETÁRIA DO MEU POVO
Mais um 17 de Maio estamos obrigad@s a sair à rua a defender o nosso idioma, a denunciar a dramática situaçom na que se acha a língua da Galiza, o galego.
Fazemo-lo com um firme convencimento testado nos fracassos contínuos dos 40 anos de acordos “normativos” e “ortográficos” assinados polas forças do nacionalismo galego com os inimigos da Pátria, e portanto da língua galega.
Sim, as cousas claras! Nom funciona a estratégia normalizadora institucional pactuada entre as forças politicas com representaçom no parlamentinho autonómico. Ano após ano o galego perde falantes, basicamente nas franxas etárias mais jovens, sendo um facto mais que alarmante a quebra da transmissom intergeracional.
Mas tampouco funciona a estratégia promovida nestas últimas décadas polas plataformas hegemónicas no ámbito da defesa da língua de Mendinho, Rosalia de Castro, Jorge Amado, Bento da Cruz, Luisa Vilalta e Mia Couto.
Basicamente som duas as razons do fracasso das entidades “normalizadoras”: umha prática de isolacionismo linguístico que evita a confluência com o tronco comum, com o resto dos países do mundo que usam o galego-português. Somos um idioma internacional, nom somos umha língua que só se emprega dentro das fronteiras da Galiza.
Cada dia que passa está mais claro que o reintegracionismo é a única possibilidade de evitarmos a hibridaçom a que o nosso idioma está submetido pola abafante influência do espanhol. O reintegracionismo é a única hipótese de alargar o número de falantes, de recuperar o seu uso, de prestigiar o galego, de depurá-lo da crioulizaçom que padecemos a comunidade galego-falante pola contaminaçom léxica, fonética, morfosintática do espanhol.
E obviamente a segunda causa som os complexos e timoratismos das forças políticas maioritárias com centro de gravidade na Galiza, instaladas na difusa demanda do direito de autodeterminaçom e na metafísica reivindicaçom com a boca fechada da soberania nacional.
Pois o futuro do galego está indisoluvelmente ligado à conquista da independência nacional para recuperarmos a soberania conculcada há 5 séculos, data do início do progressivo processo de espanholizaçom.
Só um Estado galego plenamente independente e soberano poderá normalizar o galego como a língua nacional da Galiza.
A abafante presença do espanhol nas nossas vidas fai com que mesmo a comunidade galego-falante padeça a hibridaçom da língua que emprega, com crescentes interferências nom já só no léxico e na morfo-sintaxe, senom também na prosódia e o sotaque, que coletivamente som cada vez menos galegas e mais espanholas, o que se pode comprovar com qualquer falante adulto ou idoso de que se conservem gravaçons da sua fala.
O galego reintegrado é a forma autótone do que internacionalmente se denomina português, mas nom é nem deve ser o padrom de Lisboa. Temos umha norma própria, patriótica, que devemos conservar como parte da nossa idiosincracia nacional.
Como já é umha nefasta tradiçom, nas jornadas prévias a este novo Dia das Letras voltaremos a assistir à habitual cerimónia da confusom. Da extrema-direta espanholista governante, disfarçada de regionalismo, até a “nova” social-democracia, praticamente todos falarám das vitudes da nossa língua “sem impossiçons”, e do galeguismo “bem entendido”.
Enquanto isto acontece o BNG e as suas entidades satélites seguem com o ritual de brindes ao sol, emprazando o PP a que se comprometa numha estratégia antagónica com os seus planos destrutivos e aniquiladores da língua proletária do nosso povo.
Porque contrariamente ao que afirma “Queremos Galego”, nom existem razons para que a “Junta de Feijó corresponda a dignidade que o povo mostra mantendo viva a sua lÍngua”.
A direçom da sucursal galega do PP tem abraçado as mais ultras teses do supremacismo espanhol, embora tente dissimulá-lo com declaraçons e campanhas tam estéreis como hipócritas.
Nom se producirám avanços quantitativos nem qualitativos na recuperaçom de falantes e de espaços do galego enquanto as forças agrupadas à volta dessa entidade nom apliquem a legenda da manifestaçom nacional do Dia das Letras que Agora Galiza apoia. Enquanto sigam pondo “limites ao galego” como língua internacional caminharemos inexoravelmente face ao nosso suicido como povo com cultura e língua milenária.
Só um amplo movimento popular de base em todos os ámbitos e espaço sociais, fundamentado na defesa intransigente do monolinguísmo social e o reintegracionismo lingüístico, visado na conquista da nossa plena emancipaçom nacional, logrará evitarmos o que Espanha e a UE tenhem traçado para aniquilar a língua e cultura do país dos castros e dos mil rios.
Estamos a tempo de evitar a desgaleguizaçom!
Direçom Nacional de Agora Galiza
Na Pátria, 17 de Maio de 2017