AGORA GALIZA-UNIDADE POPULAR QUESTIONA A DECISOM DA JUNTA ELEITORAL CENTRAL DE ARQUIVAR DENÚNCIA POR USURPAÇOM DO NOME DA NOSSA ORGANIZAÇOM

A decisom adotada pola Junta Eleitoral Central de arquivar a nossa denúncia contra o BNG por empregar o nome da nossa organizaçom na campanha eleitoral, nom justifica nem legitima a usurpaçom.

O organismo eleitoral do Estado espanhol considera que todo vale por nom estarmos ainda legalizados.

Nom é a primeira vez que o autonomismo socialdemocrata tenta apropriar-se do capital político e simbólico da corrente da que procedemos e reivindicamos como parte do que somos: NÓS-Unidade Popular.

Já nas eleiçons legislativas de 2015 empregou o carimbo NÓS, e agora além do nome de Agora Galiza, também utiliza o nome Voz Própria, nome do vozeiro nacional da desaparecida NÓS-UP.

Agora Galiza-Unidade Popular manifesta que continua avante com o processo de legalizaçom que tem sido obstruido polo Ministério do Interior, e luitando contra todos aqueles que pretendam ilegitimamente instrumentalizar a sigla de umha organizaçom criada para luitar contra o capitalismo e pola libertaçom nacional da Galiza, e nom para gerir as migalhas institucionais que o regime lhe concede.

Direçom Nacional de Agora Galiza

Na Pátria, 8 de abril de 2019