Agora Galiza lamenta falecimento de Neira Vilas.

Xosé Neira Vilas representa a memória duma Galiza orgulhosa e consciente.

Orgulhosa da sua identidade, humilde, e popular; e ao mesmo tempo consciente da necessidade de construir um presente e um futuro radicalmente diferente.

A sua obra mostrou-nos que umha outra Galiza era possível, porque umha outra Galiza já existia: umha Galiza, uns galegos e galegas, que conhecem de primeira mao o significado da exploraçom, da opressom e da miséria, e que frente ao estereótipo de figuras dóceis e mansas, chegam ao convencimento da necessidade de mudar o presente para conquistar o futuro.

A melhor homenagem que lhe podemos fazer a Neira Vilas, filho de camponeses, emigrante na Argentina e em Cuba, onde vive durante mais de trinta anos e casa com a sua companheira, Anísia Miranda; fundador das Mocidades Galeguistas; estudoso e grande divulgador da realidade da emigraçom galega em Latinoamérica; e, sobre todo, escritor de profunda reflexom, é continuarmos avante na construçom duma Galiza soberana, nom dependente, solidária com os povos explorados e as classes oprimidas.

Agora Galiza manifesta ao nosso povo o pesar da esquerda independentista galega polo falecimento do nosso compatriota.

Umha delegaçom de Agora Galiza acompanhará amanhá ao autor de “Memórias de um neno labrego” no seu funeral em Gres, Vila de Cruzes.

Direçom Nacional de Agora Galiza

Na Pátria, 27 de novembro de 2015