Só o povo trabalhador movimentado na rua pode provocar a queda do governo bandido do PP
A moçom de censura contra o governo do PP anunciada por Podemos é umha manobra estéril de distraçom sem percorrido algum. A iniciativa promovida por Podemos e as suas “confluências” nom passa de puro show político, porque nom conta de antemao com os apoios necessários para forçar a queda do governo bandido de Mariano Rajói.
Nem o PSOE nem o neofalangismo representado por C´s vam apoiar a proposta anunciada hoje por Pablo Iglesias, porque ambas forças estám comprometidas a lume com a “estabilidade política” que exige Bruxelas, Berlim e o Ibex 35 para assegurar a implementaçom das novas agressons contra a o povo trabalhador em direitos e liberdades.
A moçom de censura nom pode pois prosperar! Esta iniciativa estéril novamente nom passa de ser umha válvula de escape empregada polo populismo socialdemocrata que só fortalece a ilegítima institucionalidade da “democracia” espanhola.
Claro que o governo gansteril do PP tem que ser tombado! Mas a única possibilidade real de conseguir a sua queda será na rua.
O povo trabalhador movimentado e unido em defesa dumha nova ordem social empregando a rua como espaço de luita conseguirá o que nom se pode lograr nas Cortes espanholas nem nos gabinetes dos partidos comprometidos com a lógica da Constituiçom do 78.
Espanha caminha a ser um estado falhido, sob o controlo dumha oligarquia tam depredadora como corrupta que aplica receitas de destruiçom maciça contra a classe trabalhadora, contra a maioria social enquanto saqueia obscenamente, sem o mais mínimo pudor, as arcas públicas.
Os sucessos em curso nos que estám involucrados altos dirigentes do PP, do PSOE e da antiga CiU, ministros, secretários de Estado, alguns dos mais destacados oligarcas, banqueiros, diretivos dos meios de [des]informaçom, altos funcionários do poder judicial, em definitva o conjunto das elites do regime, som consequência direta da segunda restauraçom bourbónica que maquilhou o fascismo numha pseudademocracia burguesa.
Sem questionar pois os alicerces do regime e portanto sem umha estratégia visada para a sua transformaçom mediante umha política genuinamente rupturista todas as propostas regeneracionistas, reformistas, democraticistas, nom som mais que água de bacalhau.
Nom nos deixemos enganar polas apariências. O novo reformismo solicita comparecências parlamentares, explicaçons institucionais, mas nom se atreve nem tem vontade política para iniciar um ciclo de mobilizaçons populares visadas para vertebrar um movimento em prol de ilegalizar o PP e abrir um processo constituínte que abra umha fase de democratizaçom real onde os povos trabalhadores das naçons oprimidas decidamos livremente o nosso destino.
Agora Galiza denuncia a nova fraude podemita que só contribui para reforçar o regime. A multicrise que padece o Estado espanhol [económica, política, institucional] nom tem saída eleitoral. Só umha Revoluçom popular de orientaçom socialista poderá enviar ao lixo da História Rajói, Feijó, Felipe González, Susana Díaz, Albert Rivera, o clam Pujol, Rato, Blesa, Villar Mir, Amancio Ortega, Moix, à monarquia bourbónica, e abrir um processo de construçom dumha sociedade livre e igualitária.
Pois do contrário os partidos da “esquerda” institucional com os seus compromissos e ataduras com a lógica do regime estám favorecendo a criaçom das condiçons subjetivas para o eclosinar da alternativa fascista face à que se desliza cada vez mais setores da burguesia.
Direçom Nacional de Agora Galiza
Na Pátria, 27 de abril de 2017