BNG E PSOE COMPRAM PERIGOSAS PISTOLAS ELÉTRICAS PARA A POLÍCIA MUNICIPAL

Há umhas semanas denunciávamos que o Governo espanhol implementou, perante a crise sanitária, várias medidas visadas para aumentar o controlo da populaçom como a geolocalizaçom de dispositivos ou o reforçamento do aparelho repressivo para reprimir futuras luitas e protestos.

Ao enorme e desproporcionado dispositivo policial e militar despregado nestes dias, sob a justificaçom de “garantir a segurança da populaçom”, há que somar a decisom do Ministério de Interior dirigido por Grande-Marlaska, de anunciar perante a reclamaçom das forças policiais, a adquisiçom de 1.200 pistolas elétricas.

Estas medidas começam já a implementar-se em vários Concelhos da Galiza.

Em Moanha ou Carvalho, a policía municipal já estava dotada de pistolas elétricas. No caso do Concelho de Moanha desde fevereiro, e em Carvalho, a policía já as tinha o ano passado, e já fôrom utilizadas.

Ambos municípios estám governados por Leticia Santos [Moanha] e Evencio Ferrero [Carvalho], ambos filiados do reformismo autonomista [BNG].

Também o governo municipal da capital da Pátria acava de comprar este armamento para a sua polícia municipal, tal como informa o alcaide Sánchez Bugalho

Os própios fabricantes, como a companhia texana Taser, advertem sobre os severos danos que podem chegar a causar destas armas, alertando do grave perigo que implica a sua utilizaçom.

É intoléravel a cumplicidade por parte dos concelhos governados polo BNG à hora de adquirir este tipo de armamento, inecessário perante as baixíssimos índices de criminalidade. Em realidade este tipo pistolas só serve para reprimir a populaçom!

A esquerda revolucionária galega rejeita contundemente a sua adquisiçom e utilizaçom. Denunciamos a contribuiçom dos governos muncipais do PSOE e do BNG no reforçamento e militarizaçom das forças policiais visadas exclusivamente para exercer repressom sobre o povo trabalhador galego.