A primeira hora da manhá de hoje, sexta-feira 30 de outubro, a Guarda Civil realizou umha operaçom repressiva contra o independentismo galego, saldada com a detençom de 9 pessoas.

Em seis pontos da geografia nacional: Boiro, Compostela, Muros, Ponte Vedra, Ourense e Vigo, fôrom detidos Antom, Borja, Joám P., Joám, Muros, Óscar, Quique, Salva e Sabela, todos eles militantes ou do contorno de Causa Galiza.

Atualmente oito d@s nove 9 decid@s estám já nas dependências da “Audiência Nacional”, privados de liberdade, fora do seu País, vulnerando os seus direitos básicos.

Esta operaçom repressiva desenvolvida polo corpo militar espanhol seguindo umha ordem emanada da “Audiência Nacional” -tribunal de excepçom sediado em Madrid e dedicado a casos do que a linguagem oficial denomina “terrorismo”-, tem umha clara finalidade política e mediática.

A operaçom de hoje é umha cortina de fumo para desviar a atençom perante o malestar social gerado polas políticas de austeridade e corrupçom do governo bandido que ocupa o palácio da Moncloa e a sua franquia de Sam Caetano, e perante a firme decisom do povo catalám de avançar face a sua independência nacional.

A menos de dous meses das eleiçons de 20 de dezembro um Estado espanhol em plena involuçom autoritária opta pola praticar a repressom pura e dura para combater as únicas forças e movimentos genuinamente rupturistas e revolucionárias: as esquerdas independentistas.

Espanha pretende gerar um clima de alarma social que justifique o golpe de estado institucional que o regime está preparando contra Catalunha.

Perante estes factos, Agora Galiza nom só reclama o respeito para a integridade pessoal d@s nove detid@s e transparência sobre as suas condiçons de detençom, exigimos a sua imediata liberdade pois as autoridades espanholas carecem de qualquer direito para privarem de liberdade por motivos políticos as galegas e os galegos, e menos ainda para os conduzirem fora da nossa Pátria.

Expressamos a nossa solidariedade com as pessoas detidas, com os seus familiares e amizades e reivindicamos para elas e para o conjunto do nosso povo o direito a exercer os seus direitos civis e políticos sem a ameaça exterior de um tribunal de excepçom e umhas forças repressivas alheias à nossa soberania como povo livre.

Stop repressom espanhola!

Liberdade independentistas!

Viva Galiza ceive, socialista e feminista!

Direçom Nacional de Agora Galiza

Na Pátria, 30 de outubro de 2015