Documentos

ANÁLISE E CARATERIZAÇOM DO PROGRAMA POLÍTICO DE VOX

Padrão

ANÁLISE E CARATERIZAÇOM DO PROGRAMA POLÍTICO DE VOX

Divulgamos um documento, inicialmente de caráter interno, elaborado em maio de 2019 pola Direçom Nacional de Agora Galiza-Unidade Popular.

Naquela altura, a formaçom fascista liderada por Santiago Abascal, tinha apresentado um programa de 100 pontos com o que atingiu 12 deputados nas eleiçons autonómicas andaluzas de 2 de dezembro de 2018, e 24 nas eleiçons legislativas de 28 de abril de 2019 com 2.677.173 votos [10.26%], dos que 86.126 correspondem à Comunidade Autónoma Galega [5.27%].

Nas europeias de 26 de maio de 2019 lográrom 3 deputados com 1.388.681 votos [6.20%], dos que 37.335 [2.58%] fôrom na Galiza.

Deste jeito, promovido por umha fraçom da oligarquia e por interesses eleitorais do PSOE, logrou transitar da marginalidade política extraparlamentar a converter-se a escala estatal num sujeito importante no taboleiro político institucional e mediático.

https://www.voxespana.es/…/espana/2018m/gal_c2d72e181103013…

Vox -a diferença de outras forças europeias situadas no campo da extrema direita e o fascismo, como a francesa Agrupaçom Nacional de Marine Le Pen ou a italiana Liga Norte de Matteo Salvini, tem um programa genuinamente ultraliberal, que aposta na drástica reduçom do gasto público, reduçom de impostos, liberalizaçom dos mercados e serviços, sempre justificado sob o mantra da Escola de Chicago de eliminar o défice e reduzir a dívida.

Vox, como grupo de choque da burguesia, defende sem maquilhagens nem lipossuçons um programa depredador contra os direitos e as conquistas fundamentais, atingidas pola classe operária em décadas de luita, umha declaraçom de guerra contra o mundo do Trabalho.

Vox assome como próprio o programa de máximos da oligarquia, os monopólios, FMI, Banco Mundial e a troika, que elogia a reforma laboral do PP e define o sistema de proteçom por desemprego vigorante como “um dos mais generosos” e dos “mais prolongados dos países da UE e da OCDE”.

O programa económico de Vox, a diferença de outras organizaçons e partidos fascistas europeus que defendem um capitalismo de Estado e políticas neokeynesianas, é de neoliberalismo selvagem, pois “o Estado acionista deve desaparecer do panorama empresarial espanhol”.

Contrariamente às interpretaçons historiográficas clássicas, que identificam fascismo mussoliniano e nazismo, como modelos económicos estatalistas, a iniciativa privada era determinante neste modelo de capitalismo. As oligarquias industriais, financieiras, e no caso da Itália e do Estado espanhol, os latifundistas, apoiárom, financiárom e cumprírom um rol determinante na sua génese.

“En geral, a crítica marxista às diferentes variantes keynesianas é válida para a crítica económica das experiências fascistas, ou acaso o Programa de Reinhardt ideado polo economista chefe dos nazis, Hjalmar Schacht, nom era umha réplica, um calco, do New Deal de Roosevelt?
Por outro banda, estám-se publicando estudos sobre as privatizaçons levadas a cabo polo regime nazi durante a década de 30 do século passado, como é o caso de Germà Bel com Against the Mainstream: Nazi privatization in 1930s Germany, que viriam a reverter esses consensos sobre as políticas fascistas”. Antonio Torres, “El fascismo como problema teórico y práctico”, Revista La Comuna, 22 de maio de 2019.
http://www.revistalacomuna.com/…/el-fascismo-como-problem…/…

No período fascista a burguesia atingiu umha das suas maiores acumulaçons por mor da sobre-exploraçom à que era submetido o proletariado industrial e rural, logrando fabulosas fortunas.

A maioria dos grandes grupos económicos e financieiros do Ibex 35 tenhem a sua origem no franquismo. “Todas as multinacionais espanholas presentes na América Latina som, em última instância, filhas do triunfo da insurreiçom fascista em Espanha de 1936. BBVA, Banco de Santander, Abengoa, Iberdrola ou Unión Fenosa compartilham este elemento fundacional. O cidadao médio apenas imagina que a maioia dos consôrcios que dominam a economia espanhola surgem do triunfo franquista na guerra civil“ [Oriol Malló Villaplana, “El cartel español. Historia crítica de la Reconquista de México y América Latina (1898-2008)”, Madrid, Akal 2011].

À margem de debates academicistas, @Agora Galiza-Unidade Popular considera Vox umha força indiscutivelmente fascista.

O cerne da nossa linha discursiva contra as evidentes ameaças que representa o partido de Abascal nom tem como principal argumento ser umha força nostálgica da Espanha imperial e defensora do supremacismo espanholista, tampouco umha sesgada crítica das suas políticas homofóbicas e claramente machistas.

Como organizaçom socialista e revolucionária galega devemos denunciar que Vox representa o grupo de choque contra os direitos e conquistas da classe operária e do conjunto do povo trabalhador que necessita a burguesia na atual fase de agudizaçom da crise económica estrutural do capitalismo iniciada em 2008.

Pois segue plenamente vigente a interpretaçom e caraterizaçom marxista dos fascismos do período de entreguerras. Dimitrov no Relatório perante VII Congresso Mundial da Internacional Comunista, 2 de agosto de 1935, também conhecido como “A ofensiva do fascismo e as tarefas da Internacional na luita pola unidade da classe obreira contra o fascismo”, define o fascismo como a “ditadura terrorista aberta dos elementos mais reacionários, mais chovinistas e mais imperialistas do capital financieiro.

Também carateriza o fascismo como o “poder do próprio capital financieiro. É a organizaçom do ajustamento de contas terrorista com a classe obreira e o setor revolucionário dos camponeses e dos inteletuais”.

O Relatório precisa que “O desenvolvimento do fascismo e a própria ditadura fascista revestem nos distintos países formas diferentes, segundo as condiçons históricas, sociais e económicas, as particularidades nacionais e a posiçom internacional de cada país”.

O documento avança que “A subida do fascismo ao poder nom é umha simples mudança de um governo burguês por outro, senom a substituiçom de umha forma estatal da dominaçom de classe da burguesia -a democracia burguesa- por outra, pola ditadura terrorista aberta. Passar por alto esta diferença seria um erro grave, que impediria ao proletariado revolucionário movimentar as mais amplas camadas dos trabalhadores da cidade e do campo para luitar contra a ameaça da tomada do poder polos fascistas, assim como aproveitar as contradiçons existentes no campo da própria burguesia. Porém, nom menos grave e perigoso é o erro de nom apreciar suficientemente o significado que tenhem para a instauraçom da ditadura fascista as medidas reacionárias da burguesia que se intensificam atualmente nos países de democracia burguesa, medidas que reprimem as liberdades democráticas dos trabalhadores, restringem e falseam os direitos do Parlamento e agravam as medidas de repressom contra o movimento revolucionário”.
https://www.marxists.org/espanol/dimitrov/1935.htm

António Gramsci, fundador do PCI, sintetizou com lucidez e rigor os objetivos do fascismo: o fascismo é funcional à grande oligarquia; o fascismo dirige-se contra o movimento obreiro organizado e contra umha perspetiva revolucionária concreta ou potencial; e finalmente, o fascismo surge da crise, nom só meramente económica, senom da consequente crise política.

EIXOS CENTRAIS DO PROGRAMA DE VOX
A continuaçom debulhamos e sintetizamos as principais ideias força de Vox, como expressom mais desacomplexada do fascismo espanhol.

1- Política económica
-Apoio inquebrantável à propriedade privada, liberalizaçom e disminuiçom da intervençom do Estado na economia.
-Feche ou venda de todas as empresas públicas que gerem “perdas” e privatizaçom das participaçons do Estado em Rede Eléctrica, Indra, Enagás, etc.
-Privatizaçom das TV públicas autonómicas e locais.
-Privatizaçom plena de AENA e introduçom do setor privados na rede de transporte ferroviário de passageiros e mercadorias.
-Liberdade de contrataçons sem restriçons no mercado de alugueres, reforma da legislaçom das Socimis [Sociedades Anónimas Quotizadas de Inversom Imobiliária], absoluta facilidade nos despejos e poder absoluto de proprietários frente inquilinos.
-Conjunto de medidas de reforma fiscal em prol de beneficiar as rendas mais elevadas.
-Eliminaçom e reduçom de numerosos impostos deixando só dous tramos do IRPF frente os cinco atuais, um tipo único de 22% para rendas até 60.000 euros, frente 45% atual. Rebaixa fiscal profunda só beneficiará a burguesia.
-Reduçom dos impostos a Sociedades, passando do 25% atual a 12.5%.
-Utilizaçom do IVA para substituir as quotizaçons sociais.
-Reduçom do IBI [Imposto sobre Bens Imóbeis].
-Medidas de proteçom e melhoras laborais e económicas das forças repressivas: funcionariado de prisons, polícia, Guarda Civil. Neste âmbito, junto ao funcionariado de “justiça” e no mastondôntico setor da segurança privada, tem Vox umha boa parte do seus mais sólidos apoios.

2- Direitos e conquistas laborais
-Elógio da reforma laboral do PP, mas considera que é necessário acrescentar mais medidas visadas para o seu endurecimento.
-Defensa da limitaçom do direito a greve regulado em 1977. Propom umha “Lei de greve moderna”, pola que convocatória da greve exigirá o voto maioritário e secreto dos trabalhadores e trabalhadoras do setor [na atualidade podem acordá-la a maioria dos representates dos trabalhadores no Comité de Empresa]. @s trabalhadores/as que nom desejem somar-se, podem trabalhar com garantias [legalizaçom das esquirolagem].
-Atividade dos piquetes informativos só se poderia fazer no centro de trabalho. Comité convocante respostará perante a justiça dos danos físicos ou materiais.
-Possibilidade de rebaixar as condiçons dos convénios. Priorizam os convênios de empresa sobre os territoriais [autonómicos e provinciais].
“Os trabalhadores individuais devem de ter umha alternativa a qualquer convénio para acordar com o empresário a sua remuneraçom e condiçons de trabalho”. O empresário poderia subscrever no contrato do empregado condiçons laborais e salário menores que as garantizadas polo seu convênio.
-As indenizaçons por despedimento som elevadas, questiona o atual sistema de proteçom por desemprego e pretende reduzir as quotizaçons à segurança social.
-“Semi”privatizaçom do sistema pensions, perante a “avalancha de pensionistas”.
-Aumento da idade de jubilaçom e do número de anos quotizados para poder optar à pensom.

3- Demagogia, chauvinismo espanholista, centralizaçom política e reforma eleitoral
-Unidade de Espanha e defesa inquebrantável da unidade espanhola.
-Eliminaçom das Autonomias, com destaque para a suspensom imediata da Autonomia da Catalunha.
-Ilegalizaçom de partidos, associaçons e ONG´s que perseguem a “destruiçom da unidade territorial”, do quadro de acumulaçom e expansom de capital do bloco oligáquico espanhol.
-Dotaçom da máxima proteçom jurídica à sImbologia da naçom espanhola, especialmente a bandeira, hino e a Coroa.
-Agravamento das penas por “ofensas a Espanha” e aos seus símbolos.
-Eliminaçom do Senado.
-Conjunto de medidas claramente demagógicas e populista de cortes em gastos políticos, assesores, carros oficiais.
-Estabelecimento de um poder judicial de “ámbito nacional”.
-Fusom de concelhos e reduçom do número de representas locais.
-Reduçom dos sistema de financiamento autonómico com destaque para o Cupo Basco e o Concerto Navarro.
-Reforma do sistema eleitoral para que “os votos dos espanhóis sejam iguais e podam eleger os deputados num “distrito único nacional”.
-Supressom das quotas (por sexo) nas listagens eleitorais.

4- Código Penal e legislaçom repressiva
-Derrogaçom da lei de memoria histórica.
-Estabelecimento da cadeia perpetua sem possibilidade de revisom de prisom provisória ou de rebaixa da condena.
-Fim dos subsídios a partidos políticos, sindicatos, organizaçons que promovam “proselitismo ideológico”.
-Eliminaçom de privilêgios penitenciârios (salários, segurança social) a presos condenados por “terrorismo” e a imigrantes “ilegais”.
-Criaçom de um memorial de “vítimas do terrorismo”.
-Promover leis antiocupaçom. Autorizaçom a proprietários de “uso da força proporcional” para defender o “seu fogar” e propriedades. Alargará-se o conceito de legítima defesa.
-Eliminaçom do indulto, endurecimento das penas do Código Penal para “políticos corrutos” ou que “nom cumpram a legalidade”.

5- Sistema Sanitário
-Nom apostam num sistema sanitário universal.
-Advogam pola eliminaçom do acesso gratuíto à sanidade para imigrantes “ilegais” e copago para todos os imigrantes residentes que levem menos de 5 anos de permanência no Estado espanhol.
-Criaçom de um cartom sanitário único, um calendário de vacinaçom único e supressom da sanidade pública para intervençons quirúrgicas relacionadas com o aborto e mudança de sexo. A sanidade pública somente cubriria serviços de urgência.
-Dar de baixa todas as pessoas que apostem numha mútua privada.

6- Sistema Educativo
-Criaçom de um único sistema para todo o “território nacional”. Vox ataca duramente a educaçom pública, considerando-a umha farsa e “miragem”.
-Apostam porque as administraçons acheguem un cheque escolar às famílias com um importe equivalente “ao custe médio de um posto escolar num centro público”. O bono poderá-se convalidar tanto em centros concertados como privados.
-Defesa da lingua espanhola como veicular e obrigatória, enquanto as “co-oficiais”passem a ser estudadas como matérias optativas.
-Realizaçom de exames de controlo nos que se inclua a mediçom do conhecimento do espanhol.
-Limitaçom das ajudas do Estado a atividades culturais que nom fomentem o patriotismo espanhol.

7- Imigraçom
-Vox considera que qualquer imigrante que nom aceda ao Estado espanhol por vias legais seja incapacitado “de por vida”, e nom poda legalizar a sua situaçom, nem perceber qualquer tipo de ajuda da administraçom estatal.
-Deportaçom de imigrantes reincidentes que cometam delitos leves ou algum delito grave.
-Levantamento de “um muro infranqueável em Ceuta e Melilha”, e proporcionar à polícia e exército todo material e recursos necessários para vigiar as fronteiras e impossibilitar a entrada de imigrantes “ilegais”.

8- Violência machista, igualdade e direitos LGTBI
-Substituiçom da lei contra a violencia machista por “umha lei de violência doméstica” que nom julgue o sexo do agressor e nom facilite subsídios a associaçons feministas.
-Defesa da “vida” desde a concepçom até a morte natural. Reforma da lei de adoçom.
-Derrogaçom da lei de igualdade de género por “intervir totalitariamente na sociedade com o pretexto de promocionar as mulheres desde a premissa de que, senom se alcança um 50/50 em todos os ámbitos, é porque as mulheres som discriminadas”.
-Derrogaçom da lei LGTBI por considerar que contam com “privilêgios” e que estas associaçons “interfirem na educaçom, na administraçom e percebem subsídios”.
-Defesa da família tradicional e criaçom do “Ministêrio de Família”.
-Proibiçom dos ventres de aluguer e toda atividade que utilice como produto a compra e venda de seres humanos.
-Defesa da custôdia compartilhada como regra geral e proteçom do direito dos menores a relacionar-se con ambos progenitores.

9- Política internacional
-A diferença de outras organizaçons fascistas a nível europeu, Vox defende a continuaçom do Estado espanhol na UE.
-Considera necessário impulsionar um novo tratado europeu que aumente o peso do Estado espanhol na tomada de decisons dentro da UE.
-Intensidade e determinaçom nas açons diplomáticas para a devoluçom de Gibraltar.
-Apoio à entidade sionista.

10- Proteçom e promoçom da tauromaquia e da caça
-Impulsionar umha lei de proteçom que a considere como parte do “património cultural espanhol”.
-Sobre a caça estabelece como prioridade a sua proteçom como “umha atividade necessária e tradicional no mundo rural”. Promoçom de umha licença única e eliminaçom do sistema de licenças autonómicas.

11- Meio ambiente
-Mantimento das centrais nucleares “rentáveis”.

Comunicado nº 141. “PLANTOM” ANTIFASCISTA ÀS ELEIÇONS TRAMPA DE 12 DE JULHO

Padrão

“PLANTOM” ANTIFASCISTA ÀS ELEIÇONS TRAMPA DE 12 DE JULHO

Pola excepcionalidade que padecemos, nom existem as “mínimas condiçons democráticas” para realizar as eleiçons autonómicas, convocadas para 12 de julho por Alberto Nuñez Feijó.
Assim o manifestamos há duas semanas. Os posteriores movimentos do PP constatam e ratificam a necessidade de um “plantom”.

A crise sanitária em curso, os graves problemas socioeconómicos derivados dos ERTEs, dos despedimentos, do fechamento de grandes empresas como Alcoa, o estado de shock derivado do confinamento, a férrea censura e manipulaçom goebbeliana, unido à desestabilizaçom golpista que Feijó nom condena, impossibilita que a pre-campanha e a campanha eleitoral, se podam celebrar garantindo as “mínimas condiçons democráticas”, na lógica do parlamentarismo burguês.

Som umhas eleiçons amanhadas polo PP, nas que de partida já está garantido que Feijó revalidará a maioria absoluta atual.

As propostas lançadas pola maquinária eleitoral do PP, restringindo o período e o modelo de campanha, solicitando o voto nos domicílios sem presença de interventores e apoderados, as dificuldades de movimento para aceder aos colégios eleitorais, nom só endurecem e adulteram as já de por si restritivas condiçons habituais, som a crónica de um “pucheiraço” anunciado.

As eleiçons de 12 de julho estám amanhadas. Serám umha monumental fraude que facilitarám 4 anos mais de políticas antipopulares e antigalegas por parte da camarilha fascista empoleirada no aparelho de dominaçom autonómico.

Participar nesta farsa é sinónimo de entregar em bandeja de prata a Feijó a perpetuaçom do seu projeto reacionário.

Agora Galiza-Unidade Popular apela à oposiçom institucional e o conjunto das forças antifascistas, a nom apresentar candidatura para desmontar o engano em curso.

Nestas condiçons, a única posiçom coerente para evitarmos mais quatro anos de desfeita socio-laboral, económica, meio-ambiental e cultural, de privatizaçons e perda de conquistas e direitos, é nom participar nesta trampa eleitoral.

Apelamos ao conjunto das forças antifascistas galegas a nom avalar a trampa eleitoral com a que o PP pretende perpetuar-se. Um “plante” da oposiçom impossibilitaria as eleiçons de 12 de julho.

Direçom Nacional de Agora Galiza-Unidade Popular.

Na Pátria, 29 de maio de 2020

10 MEDIDAS POLÍTICAS ANTIFASCISTAS

Padrão

10 MEDIDAS POLÍTICAS ANTIFASCISTAS

1- Desfascistizar a Galiza
Eliminaçom dos espaços públicos até o último vestígio simbólico e iconográfico da ditadura.

2- Nacionalizaçom de todo o património da família Franco
Resultado do acumulado no saqueio e incautaçom praticada na ditadura.
Devoluçom a entidades, associaçons e particulares.

3- Ilegalizaçom de todas os partidos e organizaçons franquistas
De todas as entidades que nom condenam o franquismo e reivindicam a ditadura: PP, C´s, Vox, as diversas Falanges, as fundaçons Francisco Franco, José Antonio Primo de Rivera, Yagüe, Pro-Infancia Queipo de Llano, Blas Piñar, Serrano Súñer, Ramiro Ledesma Ramos, Millán Astray, a UME [Uniom Militar Espanhola], etc.

4- Proibiçom da exibiçom de qualquer simbologia fascista

5- Clausura de todas as publicaçons, editoras e meios de “comunicaçom” [emissoras de rádio e TV] que realizam apologia do franquismo

6- Anulaçom da amnistia de 1977
Lei de ponto final que garante a impunidade a todos aqueles que participárom ativamente na repressom franquista.
Depuraçom integral da administraçom, exército e corpos repressivos.

7- Anulaçom das condenas e juízos realizados durante o período 1936-1977
Reparaçom das vítimas e familiares.

8- Criaçom de um Instituto Nacional de Recuperaçom da Memória Histórica
Dotado de recursos económicos necessários, centrado no estudo da opressom do Povo Galego ao longo da história, visado para reabilitar e dignificar todas as vítimas dessa repressom, começando polas vítimas da guerra de classes de 1936-39 e o franquismo.

9- Exigência à Igreja católica de condena pública pola participaçom no golpe fascista e posterior legitimaçom do franquismo

10- Derrogaçom de todas as leis que perseguem e limitam a liberdade de expressom
Assim como aqueles artigos do Código Penal que colidem frontalmente com os princípios democráticos básicos, concretamente o de humilhaçom [artigo 578] reformado pola LO 2/2015, e o de ódio (artigo 510), aprovado pola LO 1/2015, ambas de 30 de março.

Comunicado nº 140. UNIDADE ANTIFASCISTA PARA DESLEGITIMAR A FARSA ELEITORAL DE 12 DE JULHO

Padrão

UNIDADE ANTIFASCISTA PARA DESLEGITIMAR A FARSA ELEITORAL DE 12 DE JULHO

Hoje Alberto Nuñez Feijó, tal como já tinha manifestado nas últimas semanas, convocou eleiçons autonómicas para 12 de julho.

A decisom nom está consensuada com a oposiçom institucional, mas sim implicitamente avalada polo Governo espanhol, que contou com a abstençom do PP para aprovar a prórroga do Estado de Alarma vigorante em troques de facilitar a convocatória de eleiçons no País Basco e na Galiza.

A decisom adotada hoje polo chefe do PP na Galiza é umha “jogada mestra” politicamente falando. A oposiçom institucional leva toda a pandêmia em game over, e o PP é consciente desta conjuntura tam favorável.

Justifica a convocatória em plena crise sanitária, apelando a valores democráticos e de legitimidade. Com todo o cinismo e hipocrisia que o carateriza, Feijó manifesta que nom está disposto a seguir na presidência finalizado o prazo legal da legislatura.

E apresentando um conjunto de informes sanitários e jurídicos, que “avalam” a idoneidade da data, perante um provável rebrotamento da pandêmia derivada da avalancha de turistas espanhóis nas nossas costas no verao, logra que se convoquem eleiçons em pleno estado de shock social, sem garantir os já de por si enormes défices democráticos das convocatórias eleitorais burguesas.

Nom existem as condiçons mínimas sanitárias e democráticas para umha convocatória eleitoral.

A maquinária de [des]informaçom do PP autonómico logrou nestes tês meses de crise sanitária e socio-económica, incrementar o controlo absoluto dos meios de comunicaçom públicos [CRTVG] fundidos com o grupo “La Voz de Galicia”. A censura e manipulaçom goebbeliana situa a oposiçom institucional fora de jogo.

As luitas e demandas da classe trabalhadora no combate ao Covid-19, na denúncia das consequências de perda de postos de trabalho e abusos patronais, simplesmente nom existem para a censura.

A política timorata e acomplexada da oposiçom institucional no parlamentinho de cartom e das organizaçons sociais sob a sua influência, só tem facilitado entregar em bandeja de prata umha vitória eleitoral a Feijó ao estilo Fraga.

Nestas condiçons a única posiçom coerente para evitarmos mais quatro anos de desfeita socio-laboral, económica, meio-ambiental e cultural, de privatizaçons e perda de conquistas e direitos, é nom participar na farsa eleitoral a que nos convoca hoje o amigo de narcos.

Apelamos para o conjunto das forças antifascistas galegas a nom avalar a trampa eleitoral com a que o PP pretende perpetuar-se. Um plante da oposiçom impossibilitaria as eleiçons de 12 de julho.

Direçom Nacional de Agora Galiza-Unidade Popular

Na Pátria, 18 de maio de 2020

Comunicado nº 139: ACORDO ENTRE GOVERNO ESPANHOL, PATRONATO E SINDICALISMO AMARELO PARA PROLONGAR OS ERTEs É UMHA ESTAFA

Padrão

ACORDO ENTRE GOVERNO ESPANHOL, PATRONATO E SINDICALISMO AMARELO PARA PROLONGAR OS ERTEs É UMHA ESTAFA

Após início da crise do coronavírus, o Governo espanhol anunciou a agilizaçom dos expedientes de regulaçom temporária de emprego [ERTEs] como umha medida de proteçom para os trabalhadores, mas a realidade é bem diferente.

Os ERTE som um resgate às empresas, permitindo-lhes aforrar custos deixando de pagar salários, enquanto os trabalhadores e trabalhadoras sofrem umha situaçom de desemprego temporária cobrando polo Estado umha prestaçom 30% inferior do seu salário.

18.000 milhons de euros foi destinada para os ERTE. Também devemos ter em conta 2.200 milhons de euros que o Estado nom percebeu em reduçons de quotas à Segurança Social dos empresários para os trabalhadores incluidos neste tipo de expediente.

Um negócio redondo para as grandes empresas enquanto as arcas públicas se vaziam. No Estado espanhol o número de trabalhadores que sofrem um ERTE ascende a 4.5 milhons.

Com este novo acordo o governo de coaligaçom PSOE-Unidas Podemos demonstra mais umha vez a total submissom aos interesses do patronato [CEOE] e do capitalismo monopolista [Ibex35]. Umha série de medidas visadas para alargar o resgate às empresas e facilitar posteriormente endurecer ainda mais as graves condiçons que sofre o povo trabalhador.

O presidente do governo espanhol, Pedro Sánchez, os vice-presidentes Pablo Iglesias e Nadia Calviño, a ministra de Trabalho, Yolanda Díaz, chefes do patronato CEOE e Cepyme, Antonio Garamendi e Gerardo Cuerva, e os secretários-gerais dos sindicatos amarelos CC.OO e UGT, Unai Sordo e Pepe Álvarez, cenificárom segunda-feira 11 de maio na Moncloa o acordo para prolongar os ERTEs derivado da pandemia do COVID19.

Quarta-feira, 13 de maio, foi publicado no BOE. Porém, a redaçom opaca e confusa pretende dificultar deliberadamente a sua compreensom, esconder as verdadeiras intençons que há trás o acordado: salvaguardar os privilêgios da classe exploradora a custa de expremer cada vez mais os direitos ao povo trabalhador.

Novo Pacto Social perjudicial para a classe trabalhadora
Quatro décadas de pactos sociais, entre os governos da burguesia [UCD, PSOE, PP], patronato e sindicalismo amarelo, só servirom para desmovimentar a classe obreira e impor retrocessos em direitos e conquistas.

O acordo assinado polo governo PSOE/Unidas-Podemos com o patronato e os sindicatos vendeobreiros, representa os prolegómenos da reediçom dos novos Pactos da Moncloa. O acordado é “flexibilizar” ainda mais os despedimentos.

O acordo permite extender até 30 de junho os ERTEs de força maior, seja por força maior total [sem reinício de atividade] ou parcial [recuperaçom de parte da atividade].

Este novo acordo é mais do mesmo! mantem vigentes as vantagens para as empresas. A regulaçom de março sobre ERTEs por força maior estabelece umha exençom das quotizaçons de 75% para as empresas que o 29 de fevereiro de este ano tivessem mais de 50 trabalhadores em alta na Segurança Social, e de 100% para as que tivessem menos de 50 trabalhadores.

Estas exençons continuarám em maio e junho para ERTEs de força maior total. No caso de ERTE de força maior parcial, a empresa beneficiaria-se dumha exençom de 85% polos trabalhadores que voltem à atividade, e de 70% em junho sempre que o 29 de fevereiro o seu quadro de pessoal fosse inferior a 50 trabalhadores. Se contava com mais de 50 na mesma data, a exençom alcançará 60% en maio e 45% em junho.

No caso dos trabalhadores que continuem com contratos suspensos desde a data a efectos da renúncia do ERTE, a exençom empresarial será do 60% em maio e de 45% em junho para empresas de menos de 50 trabalhadores, e de 45% en maio e do 30% em junho para as que tenhan mais de 50 empregados. Todas estas exençons poderám ser prorrogadas nos mesmos termos se o Conselho de Ministros decide ou ser extendidas a ERTEs baseados “em causas objetivas”.

O novo acordo permite às empresas finalizar os ERTE de forma progressiva, é dizer, reincorporar os trabalhadores quando a empresa os “necessite”. Com esta medida o patronato tem total liberdade à hora de “remodelar” o seu quadro de pessoal.

Também estabelece que as empresas com sede em paraísos fiscais nom poderam acolher-se a ERTEs de força maior. Mas só as empresas com “sede”, nom as que tenham filiais, ou seja todas as empresas do ibex35 menos 4, poderám perceber ajudas.

Se a situaçom já era grave com o acordado em março com o patronato, agora o Governo cede ainda mais. Além de agilizar os ERTEs, nom anulárom os despedimentos por causas de força maior, económicas, técnicas, organizativas ou produçom, simplesmente converterom-nos em improcedentes. É dizer só se encareceu o despedimento.

Com este novo acordo flexibiliza-se mais as condiçons para fazer despedimentos, principalmente nos setores com alta estacionalidade como a hotalaria ou turismo, do mesmo jeito acontece com as empresas que aleguem estar em situaçom de “quebra”.

A regulaçom de mediados de março vinculava as exoneraçons de quotas dos ERTEs com a condiçom de que as empresas mantivessem o emprego durante 6 meses desde a data de reanudaçom da atividade. Agora o governo ”valorizará o compromisso de mantimento do emprego em relaçom às caraterísticas específicas da empresa”.

O compromisso de nom despedir nos 6 meses seguintes ao ERTE, só se aplicará a ERTEs por força maior, nom por causas objetivas, os 6 meses começam a contar quando se reincorpora do ERTE a primeira pessoa, nom a última e permite-se a extinçom de contratos temporários.

A elevada quantidade de despedimentos efetuados durante o confinamento, soma-se às denúncias de milhares de trabalhadores sobre o atraso do pagamento da prestaçom por desemprego. O Serviço Público de Emprego Estatal [SEPE] informou estes dias que muitos trabalhadores nom cobrarám até junho.

Junta da Galiza contra a classe obreira
Na Galiza as cifras nom param de medrar, ainda que os informes oficias seguem ocultando o número total de trabalhadores e trabalhadoras afectadas por um ERTE, superam já as 200.000. O SEPE situa o número total de pessoas desempregadas em 191.629, 17.148 mais que no mês de março.

Quase 400.000 trabalhadores, a terceira parte da populaçom ativa, está desempregada ou em ERTE após o incremento de 9,83% registrado nas cifras de desemprego o passado mês de abril. Se o prazo estabelecido pola administraçom do Estado espanhol à hora de tramitar os ERTES já é longo e nom o cumprem, o governo da Junta amplia-o ainda mais até duplicá-lo.

Nos vindouros meses segmentos da classe obreira e o conjunto do povo trabalhador galego veram-se arrastados à depauperaçom a medida que se vai restabelecendo a “normalidade económica”.

Perante este cenário já acontecerom as primeiras reaçons por parte dos trabalhadores. Comprovamos como nas primeras semanas organizarom-se greves, fábricas inteiras paravam a produçom perante a negativa dos operários a trabalhar sem EPIs.

A crise socio-económica e a depauperaçom das camadas populares vai incrementar o nível de protestos e luita nas ruas, eis polo que nom devemos ceder nas nossas reivindicaçons e desmascarar a farsa progressista. Nom podemos seguir instalados na resignaçom e no conformismo, as migalhas e medidas adotadas polo governo “progre” tenhem como objetivo atrasar e evitar o estalido social.

Nom podemos permitir que a demagogia fascista tente capitalizar o legítimo e necessário descontentamento popular contra a perda de conquistas e direitos laborais.

Após o desconfinamento chega a hora da luita sem trégua, sem concessons. Os direitos nom fôrom nunca outorgados gratuitamente polo nosso inimigo de classe, atingirom-se com organizaçom, unidade, luita e combatividade!

Nem governo progre, nem alternativa fascista! Revoluçom socialista!
Só o povo trabalhador salva o povo trabalhador!

Direçom Nacional de Agora Galiza-Unidade Popular

Na Pátria, 15 de maio de 2020

Quatro décadas de isolacionismo

Padrão

[OPINIOM]

Quatro décadas de isolacionismo

Divulgamos artigo de opiniom do camarada Anjo Formoso Varela, membro da Direçom Nacional de Agora Galiza-Unidade Popular.

“A fala da Galiza, o português de Portugal, o português de Brasil, e os outros português dos distintos territórios lusófonos formam um único diassistema lingüístico, conhecido entre nós popularmente como galego e internacionalmente como português”. [Ricardo Carvalho Calero]

Mais um ano vemo-nos na obriga de defender o nosso idioma perante a dramática situaçom na que se acha a língua da Galiza, o galego. Defender o galego como o que é, um idioma internacional. Nom é umha língua que só se emprega dentro das fronteiras da Galiza.

Quarenta anos de acordos normativos e ortográficos, redigidos desde o isolacionismo e impulsionados desde o poder político espanhol, onde tivérom no ILG, entidade estremamente setária e anti-reintegracionista, o seu máximo representante.

Após quarenta anos da imposiçom do modelo lingüístico-cultural isolacionista, os dados objetivos falam de umha grave deterioraçom do idioma e dos seus respetivos falantes. A imposiçom de um modelo lingüístico e cultural a partir do espanhol nom serviu nem serve para favorecer a implantaçom do galego nem a identificaçom do nosso povo com o mesmo.

Ao contrário, cada vez mais galegos e galegas se instalam na espanholidade. Enquanto sigam pondo límites ao galego como língua internacional, caminharemos inexoravelmente cara ao nosso suicídio como povo com cultura e língua milenária.

A dia de hoje, observamos o confronto entre duas cosmovisons completamente antagónicas: a progressiva assimilaçom ao projeto nacional espanhol ou a construçom de um projeto nacional próprio.

Neste confronto, a sociedade galega tem que pôr todos os meios para umha planificaçom da normalizaçom do idioma em todos os ámbitos, e o rol das forças sociais e políticas comprometidas com a Naçom galega deve ser determinante.

É necessário traçar umha clara linha divisória com o projeto cultural espanhol para reforçarmos o projeto de soberania cultural e recuperarmos a memória e identidade históricas.

Para isso, achamos que tornarmos o reintegracionismo em ferramenta normalizadora é de primeira necessidade, confluirmos com o tronco comum com o resto de países do mundo que usam o galego-português. O reintegracionismo defende que o hoje em dia definido como galego fai parte de um único diassistema lingüístico, conhecido internacionalmente como português.

A fala da Galiza, o português de Portugal, do Brasil, e os outros português, som variantes de umha mesma língua. O reintegracionismo nom quer que mudes o galego que falas para falar português, senom que o galego que estás a falar agora mesmo, sem mudar absolutamente nada, é a mesma língua que falam no Porto ou no Rio de Janeiro, cada umhacom as suas variantes lógicas e normais.

As cousas claras. Nom funciona o modelo “normalizador” institucional pactuado entre todas as forças com representaçom no Parlamento Autonómico. A estratégia do nacionalismo galego no ámbito político e social nom tem dado resultados tangíveis nestas quatro décadas. O trágico balanço é de perda progressiva de galegofalantes e paulatina espanholizaçom da sociedade galega, especialmente entre a juventude e o povo trabalhador.

Cada dia que passa, está mais claro que o reintegracionismo é a única possibilidade de evitarmos a hibridaçom à qual o nosso idioma está submetido pola abafante influência do espanhol. Pola experiência de muitos centros sociais e associaçons culturais espalhadas por todo o nosso país (que lográrom tecer umha ampla rede na defesa do galego internacional), afirmamos que o reintegracionismo é a única hipótese de alargar o número de falantes, de recuperar o seu uso, de prestigiar o galego, de depurá-lo da intoxicaçom e crioulizaçom que padecemos a comunidade galego-falante pola contaminaçom léxica, fonética, morfosintática do espanhol.

O facto de tornar-se reintegracionista fai que muita gente se preocupe pola suposta “perda da galeguidade”. Porém, achamos que ganhamos em consciência nacional e que o reintegracionismo luita pola conservaçom da nossa língua e do nosso povo.

A recuperaçom do galego por parte do povo trabalhador está indissoluvelmente ligado à conquista da independência nacional para recuperarmos a soberania. Só um Estado galego plenamente independente e soberano poderá normalizar o galego como a língua nacional da Galiza e de fazer frente às agressons do projeto espanhol na sua estratégia de se instalar de vez na nossa terra.

Um amplo movimento popular de base em todos os ámbitos e espaços sociais, fundamentado na defesa intransigente do reintegracionismo lingüístico e do monolingüismo social, logrará evitarmos o que Espanha e a UE tenhem traçado para aniquilar a língua e cultura do país dos castros e mil rios.

Galiza, 14 de maio de 2020

17 de Maio, Dia das Letras. NA GALIZA SÓ EM GALEGO

Padrão

17 de Maio

Dia das Letras

NA GALIZA SÓ EM GALEGO

“Consideramos desacertada umha política preocupada por defender o galego da influência do português. A conversom do galego em língua moderna supom o contacto com o ramo mais afortuando do ibero românico ocidental, que pode fornecer ao galego ancorado e dialectizado as soluçons ajeitas para a sua actualizaçons naqueles aspectos da sua estructura que ficarom desfasados pola pressom do castelhano.

Ao meu juízo, esta reintegraçom dentro do seu sistema originário do galego, nom tem por que supor a susbtituiçom das suas formas peculiares polas do português normativo.

“Sem prejuízo de que a ósmose natural exerça o seu imprevisível papel, devemos partir de que a unidade lingüística galego-portugues nom supom a uniformidade burocrática. Temos traços fonológicos e morfológicos que nom podem ser reprimidos, a reserva do seu destino no livre jogo do intercâmbio cultural. Mas na medida do possível e sempre que por circunstância socio-históricas nom se ponha em perigo a autenticidade das realizaçons, umha ortografia coordenada deve cobrir a representaçom escrita da língua comum, como ocorre no caso das demais línguas de cultura”.

[Ricardo Carvalho Calero,´Sobre a situaçom do galego´, 1986]

 

Comunicado nº 6 da Conferência Internacional. NO 75 ANIVERÁRIO DA VITÓRIA CONTRA O NAZIFASCISMO. VOLTAREMOS A FAZÉ-LO!

Padrão

NO 75 ANIVERÁRIO DA VITÓRIA CONTRA O NAZIFASCISMO
VOLTAREMOS A FAZÉ-LO!

“Entom,de que serve dizer a verdade sobre o fascismo que se condenas e nom se di nada contra o capitalismo que o origina?”
Bertolt Brecht

9 de maio de 1945 o III Reich nazi, que segundo Adolf Hitler ia durar mil anos, rendia-se incondicionalmente aos representantes do Exército Vermelho. O próximo sábado celebraremos o 75 aniversário desta esmagadora vitória antifascista, fruto do esforço dos Povos Trabalhadores de todas as naçons da Uniom Soviética, e mui especialmente do proletariado soviético. Nom podemos esquecer o esforço e os enormes sacrifícios do resto dos Povos Trabalhadores da coaligaçom antifascista, especialmente os da martirizada Europa oriental, que sufreu toda a fúria racista e genocida dos nazis.

A derrota militar do III Reich nom foi fruto da luita do soldado Ryan, como a maquinária de guerra para a propaganda imperialista que se chama Hollywood nos quer fazer acreditar. Os factos objetivos monstram-nos que foi o Exército Vermelho quem derrotou o criminal e genocida exército nazi, e assumiu o enorme sacrifício em vidas humanas e material.

Só a URSS foi capaz de derrotar o nazifascismo nos campos de batalha. A batalha das Ardenas demonstrou que umha força reduzida da Wehrmacht, apenas umha fraçom minúscula do seu esforço bélico na Frente do Leste, era capaz de romper a frente do soldado Ryan e os seus generais. O Imperialismo ianque quer fazer-nos acreditar que  o fim do III Reich começou com o desembarco da Normandia. Nada mais falso e ridículo. A verdade é outra, mui diferente.

A Revoluçom Socialista de Outubro de 1917 abriu as portas à construçom do Socialismo, e aterrou todas as burguesias do planeta. As democracias burguesas, liberais e capitalistas, imperialistas, tinham a esperança de que o nazifascismo destruisse a URSS grátis para eles. Nisso esforçarom-se, até que se dérom conta que o monstro que tinham contribuído a criar para destruir a Revoluçom Proletária tinha os seus próprios interesses e a sua própria agenda de dominaçom mundial. Havia que desviar os golpes da besta parda…

Por isso atraiçoárom e abandonárom a II República espanhola, agredida polo fascismo internacional, especialmente polo fascismo “esquecido e ocultado”, o nacional-catolicismo, forma específica que adotou o fascismo clerical fabricado polo Vaticano e que foi a sua versom maioritária: Portugal, Espanha, Croácia, Eslováquia, Bélgica, Libano e Austria antes da anexom dos nazis. Sem esquecer o fascismo italiano, o primeiro em chegar ao poder, de forte componente católico e que foi apoiado com entusiasmo polo “antifascista” de brincadeira e anticomunista furibundo, Winston Churchill e o fascismo romeno, de tendência cristá ortodoxa.

A burguesia queria utilizar o fascismo e o nazismo para que lhes figessem o trabalho sujo de esmagar a classe obreira e a Revoluçom socialista. Por isso também atraiçoárom e abandonárom a República de Checoslováquia e pactuárom com Hitler e Mussolini em Munique, em 1938, com a ideia de desviar a maquinária de guerra nazi contra a URSS.

Nom vamos alongar-nos mais. Todos os dados som de mui fácil acesso. A crise profunda na que se tem sumergido o capitalismo agónico, última fase do seu desenvolvimento imperialista, tem aberto a porta ao resurgimento de novos fascismos e nazismos em todo o mundo, e mui especialmente na Europa. A pandemia do COVID19 nom tem feito mais que acelerar ainda mais o processo de fascistizaçom do sistema capitalista. Vamos face um novo tipo de fascismo, que vai conservar formas parlamentares para melhor enganar e adormecer à classe obreira.

A única forma de acabar dumha vez por todas com o fascismo é destruir para siempre el Capitalismo, e iniciar a construçom do Socialismo, no processo de transiçom cara um modo de produçom superior, onde nom existam nem as classes sociais, nem o estado, nem o patriarcado. Este modo de producción chama-se, desde o Manifiesto de 1848 de Karl Marx e Friedrich Engels, Comunismo.

Neste 75 aniversário da vitória contra o nazismo do Exército Vermelho, as organizaçons da Conferência Internacional, Agora Galiza, Nación Andaluza e Herritar Batasuna fazemos um apelo a todos os Povos Trabalhadores do mundo e especialmente às suas classes obreiras para intensificar em todas as frentes o combate antifascista, que nom é outro neste momento que o combate anti-imperialista e anticapitalista.

Em todo o mundo o fascismo avança. De Brasil com Jair Bolsonaro, à Índia com N. Mohdi pasando polos EUA com D. Trump, os Estado espanhol e francês Front National francês, com Vox, PP e C´s ou na Hungria com Fidesz.

Contra o fascismo, Revoluçom Socialista!

Unide-vos, Irmaos Proletários! “UHP!”

Nom passarám!

“É demasiado cedo para cantar vitória: ainda é fecundo o ventre do que surge a besta imunda.”
Bertolt Brecht

9 de maio de 2020

202 ANIVERSÁRIO DE KARL MARX

Padrão

202 ANIVERSÁRIO DE KARL MARX
5 de maio de 1818 nascia Marx em Tréveris.

A sua obra teórico-prática é imprescindível para a emancipaçom da classe trabalhadora e do conjunto de oprimid@s.

Recuperarmos as suas bases fundacionais é umha das tarefas prioritárias no processo de reconstruçom da esquerda revolucionária a escala nacional e internacional.

O marxismo deve ser depurado de todas as contaminaçons que padece pola manipulaçom a que o seu projeto revolucionário está submetido polos diversos oportunismos.

Só com um programa genuinamente classista, sob hegemonia da classe obreira, atingiremos umha Galiza socialista, umha Pátria livre e soberana, com plena igualdade entre trabalhadores e trabalhadoras.

Viva Marx e o marxismo no seu 202 aniversário!

Comunicado nº 138: 1º de Maio, Dia do Internacionalismo Proletário. Nom aos novos “Pactos da Moncloa”. SÓ A CLASSE OBREIRA SALVA A CLASSE OBREIRA

Padrão

 

1º de Maio, Dia do Internacionalismo Proletário

Nom aos novos “Pactos da Moncloa”

SÓ A CLASSE OBREIRA SALVA A CLASSE OBREIRA

A efeméride internacional da nossa classe tem lugar numha conjuntura terrivelmente adversa para a maioria do povo trabalhador. A pandemia global do coronavírus está facilitando a implementaçom acelerada dos planos mais abjetos e depredadores da burguesia.

Os gansters da CEOE e o conjunto da oligarquia, querem aproveitar o confinamento ao que está submetido umha parte do proletariado e do povo trabalhador, para realizar despedimentos massivos, fechar empresas, reduzir salários, precarizar as condiçons laborais, para disciplinar ainda mais a nossa classe, endurecendo a exploraçom a que nos vemos submetidos polo Capital.

A pandemia está demonstrando que é só a classe trabalhadora quem produz e portanto quem gera riqueza, que somos nós quem fazemos funcionar o país. A burguesia só se apropria da maisvalia da venda da nossa força de trabalho.

É a classe trabalhadora nos hospitais quem está contribuindo para salvar vidas; é a classe trabalhadora quem sementa e recolhe da terra o que comemos; é a classe trabalhadora quem transporta e distribui os alimentos que consumimos nos supermercados.

Neste estado de shock, a burguesia só quer incrementar ainda mais os obscenos lucros que obtém da exploraçom e dominaçom à que estamos submetidos como classe.

Nestas semanas de confinamento, muitas companheiras e companheiros, constatárom como aos ricos, aos patrons, à burguesia em definitiva, a nossa saúde literalmente nom lhes importa nada. O sistema sanitário público, extenuado polas políticas do PSOE e do PP, de cortes e deterioramento das suas infraestruturas, carente de suficiente pessoal, submetido a baixos salários e contratos precários, estivo à beira do colapso e sem meios para impossibilitar centenares de mortes evitáveis.

Nestas semanas de confinamento constatamos como o lucro prevalece sobre a saúde e a vida da classe obreira. Eis polo que seguindo as diretrizes do Ibex 35, o governo de Pedro Sánchez e Pablo Iglesias obrigou o proletariado daqueles setores nom essenciais, ir trabalhar sem meios de proteçom, arriscando as suas vidas e as das suas famílias.

Mas se somos os únicos que fazemos funcionar as fábricas, os portos, a construçom civil, o comércio, o conjunto do setor serviços, o transporte de mercadorias e de trabalhadores, significa que temos umha enorme potencialidade e capacidade para conquistarmos o poder político que os donos do Capital usurpam sob a forma de “democracia parlamentar”.

EVITEMOS CAIR NOVAMENTE NOS HABITUAIS ENGANOS

Os novos “Pactos da Moncloa” que PSOE/Unidas Podemos oferta às social-democracias soberanistas [ERC, EH-Bildu, BNG], às burguesias do PNB e de JxC, mas também às três forças fascistas [PP, Vox e C´s], só pretendem ganhar tempo para estabilizar o regime postfranquista, salvar a monarquia, injetar oxigênio à falsa “normalidade democrática”, consensuar mecanismos eficaces para anestesiar a imensa capacidade de luita operária. A oligarquia quer que a classe trabalhadora paguemos as devastadoras consequências da crise económica e da crise sanitária.

Levamos décadas comprovando empiricamente como os pactos sociais, a política de concessons, de “negociaçons”, “consensos”, e acordos entre as cúpulas burocráticas do sindicalismo entreguista, o patronato e os governos de turno, só se tem traduzido em mais derrotas, mais retrocessos, mais perdas de direitos, liberdades e condiçons laborais.

Nom podemos voltar a permitir o que lográrom em 1977, nom podemos mansamente deixar que os desalmados Amancios Ortegas, Anas Botins, toda essa canalhada sem escrúpulos, de vampiros e sanguesugas, multipliquem ainda mais as suas indecentes fortunas, a custa do nosso suor, das nossas lágrimas e do nosso sangue.

Com o fascismo sem disfarces de Vox, com o neofalangismo de C´s, e com a extrema direita do PP, nada há que dialogar e ainda menos negociar. Simplesmente deve ser isolado, denunciado, ilegalizado e esmagado! Branqueá-lo com o jogo institucional burguês só contribui para reforçá-lo.

A IMENSA FORÇA DA CLASSE OBREIRA

Sem forças genuinamente operárias na sua composiçom, linha discursiva, açom teórico-prática e orientaçom, a classe trabalhadora galega seguirá esterilizada para fazer frente à ofensiva do Capital, e à ameaça fascista.

Afortunadamente a memória histórica do mundo do Trabalho custódia e ratifica que todas as conquistas e avanços, sem exceçom, fôrom atingidos na luita nas fábricas, nos centros de trabalho e nas ruas. Nengum dos grandes avanços históricos da classe operária e dos povos se atingírom defendendo remendinhos nos parlamentos burgueses.

Só vertebrando iniciativas operárias, classistas, poderemos evitar que a indignaçom, o descontentamento, os protestos, as explosons sociais, sejam capitalizadas pola demagogia fascista.

Só promovendo espaços de unidade e luita classista, estaremos em condiçons de pressionar, de evitar mais retrocessos, de frear a anunciada ofensiva do Capital.

Nos vindouros meses um setor mui importante da classe obreira galega, dos setores intermédios, veram-se irremediavelmente arrastados face a depauperaçom relativa e/ou absoluta. A miséria e a fame voltará a ser umha realidade tangível na Galiza de Feijó.

A crise sanitária do coronavírus constata a urgente necessidade de superar o paradigma do modo de produçom capitalista, de abandonar as políticas de remendinhos, das falsas alternativas do “capitalismo humanista” e outros farrapos de gaita similares, nos que segue instalada a “esquerdinha”.

O Socialismo/Comunismo é a única alternativa frente ao caos ao que nos conduz a acumulaçom ilimitada de lucro burguesa. A revoluçom Socialista é umha necessidade ineludível se nom queremos perecer no colapso ecológico ao que transitamos a curto prazo.

HORAS DE LUITAR

Nom podemos seguir instalados na resignaçom e no conformismo. Nom podemos acreditar ingenuamente nas falsas promessas da casta política assalariada da oligarquia, dos capatazes das multinacionais, a banca e o capitalismo monopolista.

Nom podemos confiar, e muito menos conformar-nos, com as insuficientes e curtoprazistas medidas adotadas polo governo “progre”. Nom passam de migalhas concedidas para amortecer as contradiçons entre Capital-Trabalho para atrasar e evitar o estalido social.

Basta de aplausos teledirigidos, basta de seguidismo alienante, basta de participarmos em domesticadas válvulas de escape para reduzir as enormes tensons e ansiedade perante um futuro incerto, acumuladas em semanas de confinamento. Basta de aplaudir os cans que numhas semanas vam malhar-nos nas ruas quando reclamemos trabalho, pam e liberdades.

Som horas de sacudir o marasmo, som horas de despreender-se do amorfismo, som horas de erguer o punho, som horas de alçar a voz, som horas de reclamar, som horas de de exigir, de organizar luitas e batalhas para conquistarmos o futuro e evitarmos que novamente nos imponham o passado. Nom nos podemos deixar enganar. Só a classe trabalhadora salva a classe trabalhadora!

Após o desconfinamento chegou a hora de luitar de verdade, sem concessons, nem timoratismos. As trabalhadoras e trabalhadores que 10 de novembro passado, sem entusiasmo algum, mas alarmados pola ameaçante besta fascista, favorecérom um governo de coaligaçom alternativo ao PP/Vox/C´s, sabem que o crédito no governo “porgre” já está praticamente amortizado, ja está à beira de finalizar.

O apoio a Pedro Sánchez e Pablo Iglesias deriva do pánico que gera a “alternativa” de psicópatas empoleirados nos aparelhos do Estado postfranquista, dos nostálgicos do pistoleirismo falangista, da possibilidade de padecermos um sincrético governo azul, verde e laranja, com incrustraçons magentas.

Temos que preparar-nos para participar ativamente, sem delegaçons nem tutelagens nas imprescindíveis dinámicas de luita, combate e mobilizaçom, para evitarmos caminhar como ovelhas face o confinamento permanente de direitos e liberdades. Nada nos foi regalado em balde! Os direitos nom fôrom concessons gratuítas do nosso inimigo irreconciliável.

SÓ A CLASSE OBREIRA PODE VENCER

Sem forças operárias na sua composiçom, sem um movimeto popular com linha discursiva, assentado numha açom teórico-prática classista, cumha orientaçom operária, a classe trabalhadora galega seguirá esterilizada para fazer frente à ofensiva do Capital, e à ameaça fascista.

No ano que comemoramos o 150 aniversário do nascimento de Lenine, devemos aplicar as suas ensinanças históricas. Só venceremos se agimos sob as premissas da independência de classe, a direçom operária e um programa genuinamente classista.

Ou bem renunciamos à luita e portanto assumimos submissamente a depauperaçom, ou bem optamos pola rebeliom. Nom existem caminhos intermédios. Agora Galiza-Unidade Popular tem claro qual é a resposta a esta disjuntiva: a luita é o único caminho. Há que desconfinar a rebeldia. A rebeliom nom só é um direito, é umha necessidade.

Agora Galiza-Unidade Popular apela para os setores mais avançados da classe operária e do povo trabalhador galego, a configurar um pólo classista e patriótico, que combata o fascismo e desmascare o fraudulento governo do tandem Pedro Sánchez/Pablo Iglesias.

QUE FAZERMOS NESTE 1ª DE MAIO?

Sob a justificaçom de assegurar a saúde da populaçom, o governo conculca o direito de manifestaçom.


No Dia Internacional da nossa classe nom podemos ficar calados, nem passivos. Temos que denunciar as agressons em curso e as que estám preparando contra os nossos direitos básicos.

Eis polo que Agora Galiza-Unidade Popular, conjuntamente com as organizaçons irmás Herritar Batasuna e Nación Andaluza, solicitamos à classe trabalhadora da Galiza, do País Basco e da Andaluzia, engalanar janelas e varandas com a bandeira vermelha, símbolo internacional do proletariado, e às 12 horas do 1º de Maio, fazer soar a Internacional.

Viva a classe obreira galega!

Viva o proletariado mundial!

Independência e Pátria Socialista!

Na Pátria, 26 de abril de 2020

[174 aniversário da Revoluçom Galega de 1846]